सुशांत नशेची सवय पूर्ण करण्यासाठी सर्वांचा वापर करायचा, तसा त्यानं आमचाही केला : रिया चक्रवर्ती

ताज्या घडामोडी मनोरंजन महाराष्ट्र

मुंबई : अभिनेता सुशांत सिंह राजपूत आत्महत्या प्रकरणातली मुख्य संशयित आरोपी रिया चक्रवर्ती आणि तिचा भाऊ शौविक चक्रवर्ती यांच्या जामीन अर्जावर याच प्रकरणातील इतर आरोपींसह 29 सप्टेंबरला सुनावणी होणार आहे. गुरूवारी न्यायमूर्ती सारंग कोतवाल यांच्यापुढे या अर्जांवर प्राथमिक सुनावणी पार पडली. त्यावेळी एनसीबीनं अजून या जामीन अर्जांची प्रत आम्हाला मिळालेली नसल्याचं म्हटलं. त्यामुळे यावर उत्तर देण्यासाठी एनसीबीनं कोर्टाकडे वेळ मागून घेतला. मुंबई सत्र न्यायालयानं रिया चक्रवर्ती, तिचा भाऊ शौविक चक्रवर्ती, सुशांतचा मॅनेजर सॅम्युअल मिरांडा, सुशांतचा नोकर दिपेश सावंत आणि ड्रग्स पेडलर झैद विलात्रा आणि बासित परिहार यांना 6 ऑक्टोबरपर्यंत न्यायालयीन कोठडीत ठेवण्याचे निर्देश दिले आहेत.

दरम्यान रिया चक्रवर्तीनं जामीनासाठी मुंबई उच्च न्यायालयात दाखल केलेल्या याचिकेत सुशांतवर गंभीर आरोप केले आहेत. सुशांतनं माझा आणि माझ्या भावाचा केवळ स्वत:च्या फायद्यासाठी वापर करून घेतला, जसा तो त्याची नशेची सवय पूर्ण करण्यासाठी इतरांचा करायचा. असा थेट आरोप रियानं केला आहे. तसेच एनसीबीनं ड्रग्सच्या व्यवसाय केल्याबद्दल लावलेलं कलम 27(a) लावल्यालाही आव्हान दिलं आहे. याप्रकरणात दिपेश सावंत, सॅम्युअल मिरांडाच्या जामीन याचिकेसह रिया आणि शौविकच्या याचिकेवरही 29 सप्टेंबर रोजी न्यायमूर्ती सारंग कोतवाल यांच्यापुढे सुनावणी होणार आहे.

Leave a Reply

Your email address will not be published. Required fields are marked *