शेतकऱ्याचा नादखुळा! हौस म्हणून चक्क हेलिकॉप्टरचं केलं खरेदी

ताज्या घडामोडी महाराष्ट्र

भिवंडी : हौसेला मोल नसतं हेचं खरं.. भिवंडी तालुक्यातील वडपे या गावातील शेतकरी उद्योजक असलेल्या जनार्दन भोईर यांनी हौसेखातर चक्क हेलिकॉप्टर खरेदी केलं आहे. या हेलिकॉप्टरसाठी भोईर यांनी शेतातचं हॅलीपॅड उभारलं आहे. भोईर यांच्या या हेलिकॉप्टरची चर्चा आता जिल्ह्यात पसरली आहे.

भिवंडी तालुक्यात गोदाम व्यवसाय मोठ्या प्रमाणावर वाढल्याने या भागात आर्थिक प्रगती झाल्याने ग्रामीण भागात अलिशान कार सामान्य गाड्या असल्याप्रमाणे पाहायला मिळतात. यात मर्सिडीझ, फॉर्च्युनर, बीएमडब्ल्यु, रेंजरोव्हर, एमजी हेक्टर या कंपन्यांच्या वाहनांचा समावेश आहे. अशातचं आता भिवंडी तालुक्यातील वडपे या गावात राहणारे मूळचे शेतकरी जोडधंदा म्हणून दुग्ध व्यवसाय करणारे जनार्दन भोईर यांनी चक्क 30 कोटी रुपयांचे हेलिकॉप्टर खरेदी करण्याचा निर्णय घेऊन सर्वांना अचंबित केलंय.

..म्हणून हेलिकॉप्टर घेण्याचा निर्णय
घरी गाडी बंगला असताना जनार्दन भोईर यांनी बांधकाम व्यवसायात उतरून आपल्या जमिनीवर गोदाम उभारले तर काही विकासकांना जमीन विकसित करायला दिली. यातून त्यांना प्रचंड पैस मिळाला. यातूनचं जनार्दन भोईर यांचे व्यवसायानिमित्त उद्योजक, व्यावसायिक, चित्रपटसृष्टीतील लोकांशी संपर्क येऊ लागला. यातूनचं या नव्या व्यवसायाचे धाडस त्यांनी केलंय. स्वतःला दुग्ध व्यवसायासाठी पंजाब, हरियाणा, गुजरात, राजस्थान या भागात नेहमी जावे लागते तर व्यावसायिक संबंधातील व्यक्तींना या भागात येण्यासाठी घरी सर्व सुखसुविधा असल्याने हेलिकॉप्टर घेण्याचा निर्णय घेतल्याचे त्यांनी सांगितले.

Leave a Reply

Your email address will not be published. Required fields are marked *