पोलिस अधिकार्‍यांनी पोटात मारहाण करून पैसे काढून घेतल्याच्या तक्रारीची चौकशी सुरु

0
79
मंगळवेढा : मित्राला रात्रीच्यावेळी आणावयास गेलेल्या अजय सुरेश आसबे (रा.मंगळवेढा)याला गस्त पथकातील सहाय्यक पोलिस निरिक्षकाने व पोलिस गाडीच्या चालकाने पोटात मारहाण करून खिशातील बचत गटासाठी ठेवलेले 1700 रुपये काढून घेतल्याची तक्रार सदर व्यक्तीने मंगळवेढयाचे पोलिस निरिक्षक यांचेकडे करून संबंधित घटनेची चौकशी करून कायदेशीर कारवाई करण्याची मागणी केली आहे.अजय आसबे याने दिलेल्या लेखी तक्रारीत म्हटले आहे की,दि.31 जुलै रोजी रात्री 1.30 वा. त्याचा मित्र लखन आवताडे हा चहा कँटीन चालवत असून त्याला टोळ नाक्यावरून आणण्यासाठी मोटर सायकलवर गेलो होतो. या दरम्यान गस्तीपथकातील सहाय्यक पोलिस निरिक्षक यांनी तू रात्री का फिरत आहेस अशी विचारणा करून पोलिस स्टेशनला नेले.तेथे अधिकारी व सदर चालकाने तु खोटे बोलत आहेस असे म्हणून पोटावर दोन लाथा मारल्या. तु चोरी करण्याच्या उद्देशाने फिरत आहे असा गुन्हा दाखल करतो,गुन्हा दाखल करायचा नसल्यास तुला दोन हजार रुपये दयावे लागतील असे ते म्हणाल्याचे तक्रारीत नमूद करण्यात आले आहे.माइया खिशात बचत गटाचा भरणा करण्यासाठी आईने दिलेले 1700 रुपये होते. ते काढून घेवून मला सोडून दिले. पोटात  मारहाण केल्यामुळे पोट दुखीचा त्रास होत असून मला कोणतेही खाल्लेले अन्न पचत नसल्याचे त्याने पोलिसांकडे दिलेल्या तक्रारीत म्हटले असून याची चौकशी होवून कायदेशीर कारवाई करण्याची मागणी आसबे यांनी केली आहे. या तक्रारीची प्रत मंगळवेढयाचे डी.वाय.एस.पी. यांचेकडे माहितीस्तव दिली आहे.दरम्यान,या घटनेमुळे मंगळवेढा पोलिस दलात खळबळ उडाली आहे.यापुर्वीही 16 लाखाचे गुटखा प्रकरण,आरोपी बोकड मटन पार्टी प्रकरण या घटनंामुळे चर्चेत असलेले मंगळवेढा पोलिस पुन्हा या प्रकरणामुळे चर्चेत आले आहेत.
सदर घटनेचा तक्रारी अर्ज प्राप्त झाला असून या तक्रारीची चौकशी सुरु आहे.खरच पोटदुखीचा त्रास आहे का?  याची डॉक्टरांच्या रिपोर्टवरून चौकशी करून योग्य ती कारवाई केली जाईल.
-जोतीराम गुंजवटे,पोलिस निरिक्षक,मंगळवेढा.
मी मित्राला रात्रीच्यावेळी टोळ नाक्यावर आणावयास गेलो होतो. सहाय्यक पोलिस निरिक्षक व वाहन चालकाने मला पकडून पोलिस स्टेशनमध्ये नेले. येथे पोटात लाथा मारल्याने मला पोटदुखीचा त्रास सुरु आहे.बचत गटाचे खिशातील 1700 रुपये काढून घेतले.
-अजय आसबे,तक्रारदार ,मंगळवेढा.

LEAVE A REPLY

Please enter your comment!
Please enter your name here