सीबीआय चौकशीची गरज नाही; सुशांत आत्महत्या प्रकरणी अनिल देशमुख यांचे स्पष्टीकरण

मनोरंजन

मुंबई: बॉलिवूड अभिनेता सुशांतसिंह राजपूत याच्या मृत्यूला एक महिना उलटून गेलाय. पोलिसांच्या चौकशीत ही आत्महत्या असल्याचं समोर आलंय. परंतु, अजूनही सुशांतच्या चाहत्यांना यावर विश्वास बसत नाहीए. सुशांतच्या आत्महत्येचं खरं कारण समोर आलं पाहिजे यासाठी सीबीआय चौकशीची मागणी जोर धरू लागली असताना राज्याचे गृहमंत्री अनिल देशमुख यांनी या प्रकरणात सीबीआय चौकशीची गरज नसल्याचं स्पष्ट केलं आहे.
सुशांतनं आत्महत्या केली की त्याची हत्या झाली? किंवा त्यानं आत्महत्या केली असेल तर त्यामागचं कारण काय? अशा अनेक प्रश्नांसाठी सोशल मीडियावर मोहिम सुरू आहे. एक महिना उलटून गेला असला तरी सुशांतच्या आत्महत्येसंदर्भातल्या चर्चा थांबताना दिसत नाहीएत. तसंच या प्रकरणाचा तपास सीबीआयकडं सोपवावा अशी मागणी राजकीय मंडळी आणि त्याच्या चाहत्यांकडून गेली जात असल्यानं गृहमंत्री अनिल देशमुख यांनी यासंदर्भात स्पष्टीकरण दिलं आहे. मुंबई पोलिस या प्रकरणाचा तपास करण्यास सक्षम असून प्रत्येक अँगलनं या प्रकरणाचा सपास सुरू असल्याचंही त्यांनी म्हटलं आहे. आतापर्यंत केलेल्या तपासात हत्येच्या कटाचा कोणताही खुलासा झाला नसुन तपास पूर्ण झाल्यानंतर तपशील सार्वजनीक करण्यात येईल असं देशमुख यांनी सांगितलं आहे.
तुमच्या समोर हात जोडते पण सुशातंच्या आत्महत्येची उइख चौकशी करा:रिया चक्रवर्ती
गर्लफ्रेंड रिया चक्रवर्तीनं केली सीबीआय चौकशीची मागणी
रिया चक्रवर्ती हिनं इन्स्टाग्रामवर एक पोस्ट शेअर करत केंद्रीय गृहमंत्री अमित शहा यांच्याकडे सीबीआय चौकशीची मागणी केली आहे. अमित शहा सर, मी सुशांतची गर्लफ्रेंड. सुशांतच्या अकस्मात निधनाला आता एक महिना होऊन गेलाय. माझा सरकारवर पूर्ण विश्वास आहे. सुशांतला न्याय मिळावा यासाठी हात जोडून विनंती करते की, या प्रकरणाची सीबीआय द्वारे तपास करण्यात यावा. मला फक्त एकच गोष्ट जाणून घ्यायची आहे ती म्हणजे सुशांतवर अशा कोणत्या प्रकारचा दबाव होता ज्यामुळं त्यानं इतकं टोकाचं पाऊल उचललं आहे’, असं रियानं तिच्या पोस्टमध्ये म्हटलं आहे.
सुशांतच्या कुटुंबीयांचा जबाब पुन्हा नोंदवणार?
सुशांतच्या आत्महत्याप्रकरणाची चौकशी करणार्‍या वांद्रे पोलिसांनी बॉलिवूड जगतातील मंडळींचे जबाब नोंदविण्याचे सत्र सुरूच ठेवलं आहे.सुशांत याने 14 जून रोजी वांद्रे येथील निवासस्थानी गळफास घेऊन आत्महत्या केली. घटनास्थळी लिखित स्वरूपात काहीच न सापडल्याने त्याच्या आत्महत्येमागील नेमकं कारण समजू शकले नाही. मात्र बॉलिवूडमधील घराणेशाहीला कंटाळून त्यानं जीवन संपवल्याचे म्हटलं जात आहे. बॉलिवूडमध्ये ठरवून काम दिले जात नसल्याच्या कारणामुळे तो तणावाखाली होता. नेमक्या कोणत्या कारणामुळे सुशांत तणावाखाली होता, हे शोधण्यासाठी वांद्रे पोलिसांनी अपमृत्यूची नोंद करून तपास सुरू केला. सुशांतला ओळखणार्‍या, त्याच्या संपर्कात आलेल्या लोकांचे जबाब घेण्यास पोलिसांनी सुरुवात केली. अभिनेत्री रिया चक्रवर्ती हिच्यासह सुशांतचे नातेवाईक तसेच इतर अशा एकूण 35 जणांचा जबाब नोंदवल्यानंतर पोलिसांनी संजय लीला भन्साळी यांना समन्स बजावले होते.

Leave a Reply

Your email address will not be published. Required fields are marked *