मोहोळ तालुक्यात बिबट्या पुन्हा एक्टीव्ह मुड मध्ये….

0
310
शेतकऱ्यांमध्ये भीतीचे वातावरण, शिरापूर येथे बिबट्याने वासराचा पाडला फडशा
जनसत्य प्रतिनिधी
मोहोळ : शिरापूर. सो (ता.मोहोळ) येथे बिबट्याने इतर दोन जनावरावर हल्ला करून शेतातील जर्शी गाईच्या वासराचा फडशा पाडल्याची घटना मंगळवार दि. ३  ऑगस्ट रोजी पहाटेच्या दरम्यान घडली. याबाबत वनरक्षक सचिन कांबळे यांनी पाहणी करून हा हल्ला बिबट्याचा असल्याबाबत सांगितले. दरम्यान गेल्या काही दिवसांपासून मोहोळ तालुक्याच्या हद्दीतून गायब झालेला बिबट्या पुन्हा ऍक्टिव्ह झाल्याने शेतकऱ्या भितीचे वातावरण पसरले आहे.
याबाबत सविस्तर माहिती अशी की, शिरापूर सो येथील शेतकरी दिग्वीजय लिंबाजी ताकमोगे यांच्या शेतात लहान मोठी सात जनावरे आहेत. ते दि.३ रोजी पहाटे  साडेचार वाजण्याच्या सुमारास दिग्वीजय शेतामध्ये पिकाला पाणी देण्यासाठी गावातुन शेतामध्ये गेले होते. तेव्हा दावणीला बांधलेली सर्व जनावरे होती. सकाळी साडेसहाच्या दरम्यान पिकाला पाणी देऊन झाल्यानंतर  जिथे जनावरे बांधलेली आहेत तिथे आले असता जनावरे भेदरलेल्या अवस्थेत उभा राहिलेली दिसली. आसपास पाहीले असता काही रक्ताचे डाग दिसले. तेव्हा दावणीला नजर टाकली असता एक जर्सी गाईचे कालवड दिसले नाही. त्याच्या जवळच त्याला ओढत घेऊन गेल्याच्या  खुणा दिसल्या. त्या दिशेने ऊसामध्ये आत जाऊन पाहिले असता वासराचे पोट फाडुन खाल्लेचे दिसले. तर खिलार  गाईच्या वासराला व म्हैशीच्या रेडक्यावरही हल्ला झाल्याच्या खुणा त्यांच्या शरिरावर दिसुन आल्या आहेत.
शिरापूर येथील पशुधन विकास अधिकारी ओमप्रकाश सोनाळे यांनी जखमी वासरावर उपचार केले आहेत. गतवर्षी भोयरे हद्दीतील बिबट्याचा वावर व मागील आठ दिवसापासुन चिंचोली काटी परिसरामध्ये बिबट्याचा वावर असल्याचे निर्दशनास आल्यानंतर तालुक्यामधील विशेषत : शेतकऱ्यामध्ये  भितीचे वातावरण निर्माण झाले आहे .
प्रत्यक्षा घटनास्थळावरील ठसे बिबट्याचेच आहेत. सदर ठिकाणी ट्रॅप कॅमेरे लावण्यात येणार असुन नागरिकांनी आपली जनावरे सुरक्षित स्थळी बांधावीत, शेतात जाताना काठी व बॅटरी चा वापर करावा. वाडयावस्त्यावर भरपूर प्रकाशाची व्यवस्था करावी. मोठया आवाजात संगीत लावावे. लहान मुलांची विशेष काळजी घ्यावी.
– सचिन कांबळे
वनरक्षक

LEAVE A REPLY

Please enter your comment!
Please enter your name here