जेवढ्या गाई तेवढंच तूप विकतो; आपलं बुवा रामदेव बाबांसारखं नाही’, वडेट्टीवारांची तुफान फटकेबाजी

0
108

औरंगाबाद: मागील काही दिवसांपासून राज्यात ओबीसी आरक्षणाचा मुद्दा चांगलाच तापत आहे. याच मुद्द्याच्या अनुषंगाने औरंगाबादमध्ये नुकतंच ओबीसी मेळाव्याचं आयोजन करण्यात आलं होतं. या मेळाव्याच्या कार्यक्रमात राज्याचे मदत आणि पुनर्वसन मंत्री विजय वडेट्टीवार  यांनी भारतीय जनता पक्षालाचांगलंच धारेवर धरलं आहे. सोबतच वड्डेटीवार यांनी बाबा रामदेव  यांच्यावर देखील तुफान फटकेबाजी केली आहे. ‘जेवढ्या गाई आहेत, तेवढंच तूप विकतो,’ अशा बोचऱ्या शब्दांत वड्डेटीवार यांनी टोलेबाजी केली आहे.

‘रामदेव बाबा जेवढ्या गाई नाहीत, त्यापेक्षा अधिक तूप विकत आहेत. तर जेवढ्या मधमाशा नाहीत, त्याहून अधिक मध विकत आहे. पण आपलं तसं नाही, जेवढ्या गाई आहेत, तेवढंच तूप निघतं आणि तेवढंच तूप विकतो’ अशा शब्दात वड्डेटीवार यांनी रामदेव बाबाला टोला लगावला आहे. ते औरंगाबाद येथे आयोजित केलेल्या ओबीसी मेळाव्यात बोलत होते. यावेळी त्यांनी इंपेरिकल डेटावरून भाजप पक्षावरही निशाना साधला आहे.इंपेरिकल डाटासाठी भाजप सरकारच्या काळातही केंद्र सरकारला पत्र पाठवण्यात आलं होतं. आमचं सरकार आल्यानंतरही आम्ही केंद्र सरकारला पत्र पाठवलं होतं. पण केंद्राकडून इंपेरिकल डेटा देण्यात आला नाही. ओबीसींच्या हक्काच्या 40 हजार राजकीय जागा आहेत. त्या जागा आम्ही कुणालाही देऊ देणार नाही, असा इशारा वडेट्टीवार यांनी यावेळी दिला आहे. याशिवाय ओबीसी राजकीय आरक्षणासाठी सर्व समाजानं एकत्र यावं, असं आवाहन देखील वड्डेटीवार यांनी केलं आहे.

सत्तेच्या खुर्चीचे चारही पाय हलवण्याची ताकद ओबीसी समाजात निर्माण झाली पाहिजे. तीन पक्षाच्या सरकारमध्ये एकमत व्हावं लागतं. आमचे मुख्यमंत्री समजदार आहेत. ओबीसी हॉस्टेलला निधी मिळत नव्हता, पण मुख्यमंत्र्यांनी सर्व अधिकाऱ्यांना बोलवून ओबीसी हॉस्टेलला निधी उपलब्ध करून दिला आहे. ओबीसींना 2 हजार कोटी रुपये स्कॉलरशिप मिळते. पण फक्त 100 कोटी रुपये केंद्र सरकार देतं, असंही त्यांनी यावेळी सांगितलं आहे.

LEAVE A REPLY

Please enter your comment!
Please enter your name here